Skotland namminersortunngortinniarneqalerpoq
Skotlandip namminersortunngorsarnissaa, partiip nationalistiusup suliniutigilerpaa, taama dr.dk allappoq.
Namminersulerniat partiiata, nunami aqutsineq ullumikkut aquppaa, taakkulu maajimi qinersisoqarmat partiini aninginersanngornertik atorluarlugu inatsisissanik nutaanik siunnersuusiorput. Inatsisit pineqartut ilaatigut tassaapput, Skotlandimi innuttaasunik taasisitsinissaq, siunertaralugu Skotlandip Tuluit Nunaannut ukiuni 300-ni naalagaaffeqataasimaneranik kipisitsinissaq.
Partiit allat pingasut, Labour, de konservative aamma de liberale demokrater akerliupput, isumaqarpummi innuttaasunik taasisitsinissaq Skotlandimut iluaqutaanani ajoqutaaginnassasoq.
Skottinik isumasiuinerup takutereerpaa innuttaasut pingajorarterutaasa namminersortunngornissaq illersoraat.
