Skotland-imiut inatsisartunut qinersilerput

Skotland-imi aqagu inatsisartunik qinersisoqarnissaani,

Politikerit taasinernik pissarsiniarlutik atom atorlugu sakkussiat qineqqusaarutigisorujussuuaat.

Politikerit qineqqusaarnerminni aqqartartut atom-itortut Skotland-ip sakkutooqarfiiniittut peerniarlugit qineqqusaarutigaat, kisiannili qanorluunniit ilioraluarunik tamakkununnga akuliussinnaatitaanngillat. Skotland-imut partiivi sisamat, partii inuiaassutsiminnik pingaartitsisoq SNP siuttoralugu inatsisartuni amerlanerussuteqaleraluarunilluunniit, aqqartartut atomi atorlugu ingerlatillit aalajangersaavigisinnaan-ngilaat. Skotland-imiut inatsisartui taamaallaat uagutsitut namminersornerulernikuupput oqartussaaffigalugit; peqqinnissaqarneq, ilinniartitaaneq, eqqartuussiveqarneq kiisalu avatangiisinut tunngasut. Illersornissamulli nunanullu allanut tunngasut oqartussaaffiit tuluit inatsisartuinit ataatsimoorussamik ingerlanneqarlutik.

Skotland-imiulli toqqaannartumik illersornissamut tunngatillugu akuliussinnaatitaanngikkaluarlutik, aqqartartunut atomimik ingerlateqartunut pilersaaruteqarnerit suli ajornartorsiortigaatsiarsin-naavaat. Soorlu assersuutigalugu partiip avatangiisinut tunngassuteqartunik illersuiniartuusup siunnersuutigaa, skotland-imiut inatsisartuisa inerteqqutinngortissagaat

sakkussianik aseruerujussuarsinnaasunik Skotland-imiut aqqusernisigut skotland-illu imartaatigut.

Partii inuiaassutsimik pingaartitsisoq SNP tamaviaartorujussuuvoq. Qineqqusaarnerminni neriorsuutigaat pissaanermik tigusigunik.Skotland-i ullut 100-t ingerlaneranni namminersulivinnissaata pilersaarusiornera saqqummiunniarlugu qinersineq naammassippat.