Sjællandip avannaani napparsimaviup nakorsaanerit nukinginanngitsut tamarmik taamaatiinnarai

Sjællandip avannaani Hillerødip napparsimmaviata suliarinninnissat nakorsaanissallu pinasuanngitsut tamarmik taamaatiinnarpai.

Tamanna napparsimmaviup isumalluutit tamarmik ”Coronavirusimik tunillatsittut Danmarkimi amerliartuinnassappata immikkut ittumik mattussinissamut piareersarnernissamut atorneqarnissaannik” naatsorsuuteqarneranik pissuteqarpoq.

Tamanna napparsimmaviup sulisuinut e-mailikkut allakkami Berlingskep pissarsiarisimasaani allassimavoq.

Nakorsaanerit pinasuartut tamarmik pilersaarut malillugu ingerlassapput. Napparsimasulli allat napparsimmavimmi nakorsarneqarnissamut marsip naanissaa utaqqisariaqarpaat.

AAMMA ATUARUK Coronavirusimik Danmarkimi tunillanneqarsimasut 340-sut

Suliniutip napparsimmavimmi isumalluutit tamarmik piareersimasinissavai. Taakku suliassarigaluaanut taarsiullugu suliassanut nutaanut sungiusarneqassasut, Berlingske allappoq.

Sungiusarneq napparsimasunut nutaamik napparsimassuteqartunut illersuutinik atortorissaaruteqarnissamik ilaatigut ilaqassaaq.

Danmarkimi coronavirusimik tunillatsissimasut pingasunngornermi 442-pput.

Virus danskit inuunerannik suli naleqanngilaq. Danmarkip nunami sanilerisaani Sverigemi virusimik pingasunngornermi toqquteqartoqaqqaarpoq.

Naalakkersuisut inatsimmik tuaviuussamik Folketingimut saqqummiussiniarpoq. Inatsit taanna coronavirusip ernumanarnera pissutigalugu katerinnernik annertuunik inerteqquteqarsinnaalersitsissaaq.

Inatsit tuaviuussaq inissippat – tassa ullualuit qaangiuppata  - inatsit atorneqassanersoq naalakkersuisut oqartussaalissapput.

Ministeriuneqarfik Danmarkimi pissutsit pillugit pingasunngornermi danskit nalunaaqutaat naapertorlugu 20.30 tusagassiortunik katersortitsissaaq.

/ritzau/