Sivisuumik kalaaliminissaaleqisimaneq qaangerneqartussanngorpoq
Pisiniarfik Strandgademiittoq kalaaliminernik tunisassiorfiup Arctic Green Foodip julimi akiliisinnaajunnaarnerata kingorna matuneqarpoq.
Pisiniarfiup matunera pisisartunit pakatsissutigineqarpoq, tamannalu pissutigalugu pisiniarfimmik aqutsisoq Alberth Jakobsen aalajangerpoq Michal Jensen suleqatigalugu pisiniarfik pisiariniarlugu.
Pisiniarfiup allamit pigineqalerneratigut pisiarfiup atia allangortinneqarpoq, Daycathimik ateqarunnaarluni Tranhusemik ateqalerpoq - illu atlantikumiittup taaguutaa assigalugu.
Pisiniarfiup pisiarineqarnera ammaqqinneqarneralu iluatsissinnaasimavoq, Royal Greenland Polar Seafood KNI-lu anigaasaaleeqataaneratigut kiisalu akiligassarsinikkut.
Illu atlantikup ornikkumartunngornissaa Alberth Jakobsenip isumalluarfigaa, tassami Nyhavnip Nordatlantisk Bryggellu akornanni ikaartarfik ukiortaap kingorna ammarneqartussaammat. Pisiniarfiup ammarneqarneranut atatillugu katerisimaarneq ualeru pingasunut qiteqquppat pissaaq.