Siverth K. Heilmann sulileqqittoq

Siverth K. Heilmann sivisuumik napparsimareerluni Pinngortitamut, Avatangiisinut Ilisimatusarnermullu Naalakkersuisutut marsip aallaqqaataani sulileqqippoq.
Allattoq Karsten Sommer
marsip 01-at 2019 15:23
Nutserisoq Jaaku Lyberth

Siverth K. Heilmann maanna aaqqittutut nalunaarutigineqarsimalerpoq, Naalakkersuisoqarfik ullumi taama nalunaaruteqarpoq.

Siverth K. Heilmann siorna oktobarip ulluisa 31-anni, iluaallernermi kingorna Dronning Ingridiup Napparsimmavissualiaanneqarpoq. Tassanilu katsorsarluarneqareerluni uterpoq, naalakkersuisoqarfik taama allappoq.

AAMMA ATUARUK Partiformand er i bedring

Tamatuma peqatigisaanik Pinngortitamut, Avatangiisinut Ilisimatusarnermullu Naalakkersuisuugallartoq Erik Jensen tunuarpoq, kisiannili soorunami Aatsitassanut Suliffeqarnermullu Naalakkersuisutut ingerlaqqissalluni.

Naalakkersuisut siulittaasuata Kim Kielsenip Siverth K. Heilmann uteqqinneranik tikkilluaqqullugu ima oqarpoq:

- Siverth K. Heilmannip aaqqinnera Naalakkersuisunullu ilaasortatut uteqqinnera nuannaarutigisorujussuuara. Tamatuma peqatigisaanik Erik Jensen siornali oktobarip qaammataani atorfimmi sulilluarsimaneranut qutsavigaara, Kim Kielsen taama oqarpoq. 

AAMMA ATUARUK Siverth K. Heilmann iluaallernermi kingorna napparsimmaviliaanneqartoq

 

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk