Siverth K. Heilmann ajunngilaq

Naalakkersuisoq Siverth K. Heilmann iluaallerluni pingasunngormat napparsimmaliaanneqarnermi kingorna maanna ajunngitsoq, Inatsisartuni ilaasortap Atassummeersup Bentiaraq Ottosenip ilisimatitsissutigaa.

Allattoq Simon Uldum

novembarip 01-at 2018 10:10

Pinngortitamut avatangiisinullu naalakkersuisoq Siverth K. Heilmann pingasunngormat iluaallernermi kingorna Dronning Ingridiup Napparsimmavissualiaanneqarpoq.

Atassutip siulittaasuata napparsimmavimmi suli uninnganera, Inatsisartuni ilaasortap Atassummeersup Bentiaraq Ottosenip sisamanngornermi ullaap tungaani ilisimatitsissutigaa.

- Siverth K. Heilmann ajunngilaq, nakorsanilli misissortittussaavoq, Bentiaraq Ottosen taama oqarpoq.

AAMMA ATUARUK Siverth K. Heilmann iluaallernermi kingorna napparsimmaviliaanneqartoq

Naalakkersuisuni ilaasortat aappaat ullut marluk ingerlaneranni nappparsimasutut nalunaarutigineqarpoq.

Ineqarnermut Attaveqaqatigiinnermullu naalakkersuisoq Simon Simonsen napparsimanini pillugu sapaatip-akunnerini sisamani tulliuttuni sulinngiffeqassasoq marlunngormat nalunaarutigineqarpoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.