Siusinaarlutik soraarnerussutisiallit pillugit 2010-mi aaqqiisoqassaaq
Illersukkamik innarluutilittut sulinermi nalunaaquttap akunnermusiaq 15 koruuniuvoq. Innarluutillit siusinaartumik soraarnerussutisiallit suligaangamik taama akissarsiaqartinneqartarput. Maannali siusinaarlutik soraarnerussutisiallit innarluuteqartut pitsaanerusumik atugassaqartitaalissasut, naalakkersuisunut ilaasortaq Ark’alo Abelsen neriorsuivoq.
Allattoq Mads Lynge
oktobarip 10-at 2008 16:14
- Siusinaartumik soraarnerussutisialinnut nalunaarut, Inatsisartut ukiaanerani ataatsimiinneranni oqaluuserineqartussaavoq. Oqallinnermilu siunnerfissatut tikkuunneqartut najoqqutaralugit 2009-p ingerlanerani inatsisissamik nutaamik siunnersuusiussaagut, Naalakkersuisunut ilaasortaq Ark'alo Abelsen oqarpoq, nangipporlu:
- Soraarnerussutisiat saniatigut sulinermi akunnermusiat 15 koruuniusut qaqinneqartussanut soorunami ilaassapput, ataatsimoortillugit nalilersortariaqaramik. Inatsisissatut siunnersuut aappaagu sasqqummiutereerutsigu, akuersaarneqassappallu, taava 2010-mi januaarip aallaqqaataaniit atuutilersinnaassaaq, Ark'alo Abelsen oqarpoq.
