Siunnersuut itigartinneqarani ataatsimiititaliamut ingerlateqqinneqarpoq
Taavalu ippassaq unnukkut radioaviisimi oqaatigisatsinnut naqqiutissaqarpugut. Tassa aatsitassarsiornermi aatsitassat uraanitallit qanoq akoqartiginissaannik qummut killiliinissamik Siumumit siunnersuut Inatsisartut ippassaq oqaluuseraat.
Allattoq Elisa Isaksen
novembarip 04-at 2009 17:09
Siumup siunnersuutaa itigartinneqartoq ippassaq oqaatigigaluarparput, tamannali ilumuunngilaq.
Siunnersuut amerlanerussuteqartunit, tassa Siumumit, Atassummit aamma Demokraatinit, Inatsisartut inuussutissarsiornermut ataatsimiititaliaannut ingerlateqqinneqassasoq aalajangiunneqarpoq.
Kukkunerput ajuusaarutigaarput.
