Siunnersuut aqagu tiaasissutigeqqissavaat

USA-mi aningaasaqarniarneq ilorraap tungaanut aallartinniarlugu iliuuseriniakkatut siunnersuutip inatsisartunit qinikkallu qullersaannit akuerineqassangatinneqaannartoq Asia-mi USA-milumi aktiat akiisa qaffakkiartulernerannik kinguneqarpoq. Siunnersuummiit siullermiit assigiinngissutaa tassa inuit aningaasaateqarfinniititaat naalagaaffiup qulakkeerniagai 100.000-iniit 250.000 dollarsinut qaffanneqarnerat. Aningaasat kaaviiaartileqqinniarlugit taamatut iliortoqarniarpoq, aningaasammi kaaviijaarunnaarpata aningaaseriviillu atukkiiumajunnaarlutik, taava suliffeqarfiit akiliisinnaajunnaassapput sulisartut akiliisinnaajunnaarnerannik kinguneqartussamik. Naalagaaffiup qulakkeerniagai qaffanneqarpata atukkiisartut atukkiinissaminnut tunuarsimaarunnaamippata aningaasat naammattumik kaviiaartilernissaat kissaatigineqarpoq. Siunnersuut aqagu taasissutigineqalerpat præsidentinngorniuttut, McCain aamma Obama taaseqataassapput. Demokratillu inatsisartuni siuttuat, Harry Reed, oqarpoq naalagaaffimmi ajornartorsiorneq qaangerniarlugu siunnersuut pitsaasuusoq. Aningaasat nalinginik nakkutilliisut aningaasaateqarfiata pisortaa oqarpoq, qanorluunniit pilersaaruteqaraluaraanni maannakkut pissutsiniit ajornerulernavianngitsoq.