Siunnersuisooqatigiit: Ineriartortitsisinnaasut suliffissanillu pilersitsisinnaasut aallunneqarlik
Kiffartuussinermi suliat akikinnerusut aningaasaliiffiginissaat pisariaqarpoq maannakkut ingerlanneqartut attatiinnarnagit ineriartortinnagillu, siunnersuisoqatigiit kajumissaaruteqarnerminni taama oqarput.
- Pisortat aningaasaliisarnerisa annertusineqarnissaat pingaaruteqarpoq assersuutigalugu ineqarnermut tunngassuteqartuni.
Sanaartornermi taakkunanilu suliaqartut suliffissaqarnissaanut qulakkeerinneqataassaaq aningaasaliisartullu namminersortut tapiissuteqarsinnaanerat attatiinnarneqarluni.
AAMMA ATUARUK Siunnersuisooqatigiit: Sermersooq aningaasatigut ajornartorsiornermit eqqugaanerpaavoq
Sermersuumi Inuutissarsiornermut Siunnersuisoqatigiit siulittaasuat Martin Ben Shalmi, siulersuisut Tasiilami ataatsimeerneranni taama oqarpoq.
Siunnersuisoqatigiit Tasiilami ataatsimiinnerani nunaqarfiit Kulusuk Tiniteqilaaq aamma Sermiligaaq tikeraarneqarput.
Martin Ben Shalmip i oqarnera malillugu, Tasiilami nunaqarfiinilu ineriartortitsinissamut pisariaqartitsineq annertuvoq - ineriartortitsineq pisortat suliffeqarfii kisimik eqqarsaatigineqaratik. Tasiilami nunaqarfiinnilu takornarianik sullissineq iluatsittumik ingerlavoq.
- Tunumut timmisartuussisarnerit allanngortinneqarnerisigut takornariat amerlanerusut Tasiilamut eqqaanullu tikittalersinnaapput aamma Illoqqortoormiunut eqqaanullu, Martin Ben Shalmi oqarpoq.