Siunnersorti: Pilersaarusiortarneq pingaarluinnartuuvoq
Taamaalilluni KANUKOKAp pisortaa akerlilerlugu suleriaasissatut pilersaarusiortarneq pingaarluinnartuunerarpaa. Suliassallu amerlavallaarnerisa kingunerisaanik siusinaartumik iliornissaq pineqanngitsoortartoq oqaatigalugu.
Inunnik isumaginninnermik siunersortip ataatsip suliassarpassuit suliarisarpai, suliassallu ataatsip suliarinerani assigiinngitsorpassuit attaveqarfigineqartussaapput, suliassarpassuillu tamaasa piffissaqarfiginiarnerat ajornakusoortarpoq.
Meeqqat inuusuttuaqqallu angerlarsimaffiup avataanut inissinneqarnerini suleriaasissanik pilersaarusiortarnerit iluamik suliarineqarsinnaalissappata, inunnik isumaginnittoqarfinni sulisut atugarisaat qiviarneqartariaqartut, Ida Abelsen isumaqarpoq.
Inunnik isumaginninnermik siunnersortitut ilinniarsimasut peqatigiiffianni siulittaasoq, Sara Abelsen oqarpoq, suliassat amerlassusilerneqarsimannginneri kiisalu iliuusissanik pilersaarusiornermik pikkorissaasoqartannginnera pissutaallutik, ilaatigut iliuusissanik pilersaarusiortoqartanngitsoq.
