Siunissamut takorluukkat assitut saqqummiutissavaat
Assinik taamatut takutitsinerit ukioq manna ingerlateqqinneqarput, ukiuni pingasuni taamaaliortarnerit nangeqqinneqarnerisigut. Tamatumunnga pilersaarusioqataapput Paamiuni, Tasiilami Nuummilu Piareersarfimmi atuartut 45-it.
Assinik taamatut takutitseqattaarnerit aallaaveqarput, Kommuneqarfik Sermersuup inuusuttut illoqarfinni assigiinngitsuni qanoq inooriaaseqarnerisa malunnartinneqarnerulernissaanik suliniuteqarneratigut.
Assit atorlugit aamma taalliat naatsunnguit atorlugit inuusuttunit oqaluttuarineqassaaq misigissutsit assigiinngitsut soorlu asanninneq, maqaasineq, nuannaarneq, aliasunneq, neriunneq aamma illarnartut, tamakkumi inuusuttunit ulluinnarni misigineqartarmata.
Taama takutitsinermut siunertaavoq, inuusuttuunerup qanoq pingaaruteqassusia qanorlu inuusuttut atugaat ullumikkut qanoq innersut tamanit oqallisigineqarnissaat. Assinik takutitsineq aningaasaliiffigineqarpoq anigaasaateqarfimmit Sermeq-mit , assinik takutitsineq taaguuteqarpoq Youth for Future.
Unnuk Kultur-isiornermi inuusuttut illoqarfinni pingasuusuni taakkunani assilisaat 50-it Nuummi Eqqumiitsulianik Katersugaasivimmi saqqummersinneqassapput,
saqqummersitsineq unnukkut arfineq pingasunut ammarneqassaaq.
Meeqqat oqaaseqartartuata Aaja Chemnitz Larsenip inuusuttut pingasut illoqarfinnit pingasuneersut peqatigalugit saqqummersitsineq ammassavaa.
