Siunissamut piareersaasut imminnut naapittariaqarput
”2009-mi januaarip aallaqqaataani kommunit kattussuuppata inuit kiffartuunneqarnerisa pitsaanerulernissaa siunertaavoq”, Sisimiut borgmesteriat Qeqqatalu Kommunianut ikaarsaariarnermi ataatsimiititaliami siulittaasoq, Hermannn Berthelsen ilaatigut oqarpoq.
Ikaarsaariarnermi ataatsimiititaliat oqarasuaatikkut qarasaasiakkullu atassuteqaqatigiittarnisaannut Naalakkersuisut kaammattuinerat pillugu Hermann Berthelsen oqarpoq, inuit suleqatigiit suli imminnut naapittarnissaminnut pisariaqartitsiuassasut, tamanna aamma Naalakkersuisut pisariaqartittuassagaat.
aggustip 07-at 2008 06:27
Ikkarliffissaqarpallaaqaagut, minnerunngitsumik aningaasatigut. 2 millioni koruuninik tunineqaratta tamanna isumaqanngilaq tassa suna tamaat saperunnaaripput. Innuttaasut tikillugit, ukualu qinikkat nutaat imminnut tikillutik aallaqqaammut ataatsimiittarnissaat pingaartupilorujussuuvoq. Una oqallissaarutigalugu oqaatigerusunnarpoq; qanoq ililluta namminiilernissaq piareersarsinnaassavarput telefonikkuinnaq aammalu qarasaasiatigut ataatsimiiginnarluta, uani pingaartorujussuuvoq inuit imminnut tikillutik taamatut oqaloqatigiittarnissaat – aamma kommunerujussuanngornissatsinni taanna pisariaqarluinnarpoq, Hermann Berthelsen oqarpoq.
