Siunissamut ernumapput
Nunanut allanut tunisaqartarnermut atatillugu nakkutiginninnermik sukannnersumik Naalakkersuisut ingerlatsinerat Kalaallit Nunaannut 120 millioni koruuninik annaasaqaataasinnaasoq, aammalu suliffiit 100-nik annaaneqarsinnaasut, Sermitsiaq nittartakkamini allaaserisaqarpoq.
KNAPK, Polarseafood, SIK-lu ataatsimoorlutik tusagassiutinut ippassaq nalunaaruteqarnerminni, siunissamut ernumassuteqarlutik taama saqqummiussaqarput.
Inatsisit sukannernerusut tassaapput, raajani pisani tunisat malinnagit, logbogini allaqqasut malillugit pisanik nalunaarsuisalerneq.
Raajallu pisaneqartartut eqqarneqartartut amerlasaqimmata eqqunngitsumik aalisartut pineqarsorineqarput.
Polar Seafood oqarpoq, imeq, minguk, raajallu atorsinnaanngitsut pisanik nalunaarsuinermi peerneqaraangata, nalunaarsorneqartut affai atorsinnaaneq ajortut, raajarniutillu naalagaasa pisat nalunaarsornerini, malersorneqalinnginnissaq anguniarlugu, amerlanaaralutik amerlanertigut nalunaarsuisartut, Polar Seafood oqarpoq.
