Meeqqat inuusuttullu pillugit ilisimasaqarfiup, MIPI-mik naalisarneqartartup, 2006-imi nalunaarusiaani, siunissami suliariaasissanik allannguinissaq pingaartinneqarpoq.
MIPI-p ullumikkut suliassaasa pingaarnersaattut taaneqartarpoq, meeqqat inuusuttullu pillugit ilisimasat pioreersut katersussallugit.
MIPI-mi siulersuisut tamanna allanngortinniarpaat, siunissami suliassatut pingaarnertut siunniunneqarput, meeqqat inuusuttullu pillugit ilisimasat inuiaqatigiinnut attuumassuteqartut pilersissallugit, ingerlateqqissallugillu.
Nunatsinni meeqqat inuusuttullu pillugit ullumikkut ilisimasat pisariaqartinneqaleraluttuinnarnerat allannguinissamut tunngaviuvoq, maannamullumi ilisimasat MIPI-p pigilereersimammagit.
Meeqqat inuusuttullu pillugit ilisimasaqarfimmi MIPI-mi ilisimasat siunissami ingerlateqqinneqartalissapput.
Meeqqat inuusuttullu inuuniarnikkut atugaat pillugit ilisimasat maanna amigaatigineqarput, inuunerminnilu ajunngitsumut ineriartornissaannut pilersitsinissamut pisariaqartitsisoqarluni.