Siumut siulittaasussamik qinerseqataavoq
Tallimanngormat juunip aqqaneq aappaanni unnukkut Radioavisimi kukkusumik oqaluttuaraarput, Inatsisartut siulittasuannik qinersinermi Siumup Inatsisartuni ilaasortaatitai taaseqataanngitsut.
Allattoq Elisa Isaksen
Siumullu gruppeata Ruth Heilmann Inatsisartut siulittaasussaattut siunnersuutigigaluaraa.
Kisianni tamanna kukkuneruvoq.
Inatsisartuni partiit tamarmik, tassalu aamma Siumumeersut ilanngullutik, Inuit Ataqatigiinneersoq Josef Motzfeldt Inatsisartut siulittaasussaattut qinerpaat.
Kukkunerput ajuusaarutigaarput.