Siumut Nuuk: SANA-mi pissutsit iluarsiivigineqarlik
Dronning Ingridip Napparsimmavissuani pissutsit iluarsiivigineqartariaqartut Siumut Nuuk isumaqarpoq, piumasaraalu Naalakkersuisut siulittaasuat, Peqqinnissamut Naalakkersuisoq aamma Inatsisartut peqqinnissamut ataatsimiititaliaat piaarnerpaamik sulisariaqalersut, akissaatit aningaasartuutissallu tunulliullugit.
Allattoq Louise M. Kleemann
februaarip 05-at 2009 07:42
- SANA-mi nakorsat peqqissaasullu kattuffii peqatigalugit kissaatigineqartut massakkorluinnarlu pisariaqartinneqartut Peqqinnissamut Naalakkersuisup tamanut naammaginartumik uuma qaammatip naannginnerani naammassisariaqarpai, Siumut Nuummi sulittaasoq, Kim Godtfredsen, oqarpoq.
Pissutsit taamaaginnarpata Dronning Ingridip Napparsimmavissuata matunissaanik nakorsaanerup Knud Erik Kleistip ippassaq oqariartuutaa Kim Godtfredsenip akuerineqarsinnaanngilluinnarnerarpaa.
- Kanngunartuliornerussaaq inuit Kalaallit Nunaanni innuttaassuseqarlutik najugallit inuunerminni misiginngisaannagassaat. Inuiaqatigiit taama
killiffeqassagutta unittoorluinnarnermut akuerisinnaanngilluinnakkatsinnut killiffeqassaagut, Kim Godtfreden qalleqqissaavoq.
