Siumut Nuuk: Qeqertarsuatsiaat siunissaat nalorninarpoq
Qeqertarsuatsiaani tunisassiorfik ullumikkut matussaaq, tamannalu Siumut Nuummi siulittaasup Kim Godtfredsenip nunaqarfiit siunissaqarnerpaartaasa ilaanni aalisarnermik matusinermik taavaa.
Allattoq Louise M. Kleemann
Taassuma Kommuneqarfik Sermersuumi akisussaasunit iliuuseqartoqarnissaa ujartorpaa, pisumullu soqutigisaqanngitsutut taallugit. Aamma naalakkersuisut appiuppai Royal Greenlandimik piginnittutut iliuuseqannginnerat pakatsinartuunerarlugu.
- Naluara Qeqertarsuatsiaani tunisassiorfimmik matusinermi kikkut iluanaaruteqassanersut, kisianni nunaqarfimmiut ilaqutariippassuit inuunermik nalunartumik toqqissisimananngeqisumillu ornitaqarmata qularutissaanngilaq, Kim Godtfredsen allappoq.