Siumut Nuuk: Kommuneqarfik Sermersuumi meeqqerivinnut akiliut qaffasippallaarpoq

Kommuneqarfik Sermersuumi meeqqerivinnut akiliutaasartut Sovjetunionisuulli ipput, nutarterneqartariaqarlutillu. Taama oqarpoq, Nuummi Siumut sinnerlugu kommunalbestyrelsimi ilaasortaq, Kim Godtfredsen.
Allattoq Louise M. Kleemann
decembarip 02-at 2008 07:04

- Illoqarfimmi sorlermi najugaqarneq apeqqutaalluni meeqqerivinniititsinermut akiliutit assigiinngillat. Tamatuma saniatigut meeqqamut ataatsimut perorsaasut meeqqerisullu amerlassusaat ullutsinnut aamma naleqqutinngilaq, Kim Godtfredsen taama oqarpoq.

Kommunit ukiortaami kattuttussuuppata Qeqqata Kommuniani meeqqerivinniititsisarnermi akiliut annerpaamik 1000 koruuniussasoq ikaarsaariarnermut ataatsimiititaliap siunniuppaa. Taama aaqqiineq nunatsinni tamani atorneqartariaqartoq Kim Godtfredsen isumaqarpoq.

Meeqqerivinniititisarnermi akit nunatsinni qaffasinnerujussuat, Danmarkimi pissutsinut assiliinerusoq Kim Godtfredsen isumaqarpoq, tappavanilu akit europap sinneranut naleqqiullugit qaffasinnerpaanerarlugit

- Tamanna attanneqarsinnaanngilaq, taamaammat meeqqerivinni sulisunik amerlassusiissarneq aamma iluarsineqartariaqarpoq, Kim Godtfredsen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq