Siumut nutaamik allatseqalertoq

Mikael Petersenip kinguaassiutitigut innimiilliorsimanera pillugu suliunnaarnerata kingorna 32-nik ukiulik Miki Jensen partiimi allatsitut atorfinippoq.
- Qulakkiissavarput aasaru ataatsimeersuarnerup ajunngitsumik ingerlanissaa, Miki Jensen, partiimi ilaasortanut emailikkut ilaatigut oqartoq, Sermitsiaq.AG-p allaaseraa. Toqqorsivimmit assi
Allattoq Anne Meisner Synnestvedt
marsip 18-at 2020 09:22

Sermitsiaq.AG taama allaaserisaqarpoq.

Miki Jensen Siumup Folketingimut ilaasortaatitaanut 2012-imit 2015-ip tungaanut ilaatigut allattaasimavoq.

- Partii piffissami kingullermi oqimaattorsiorfiusimavoq, maannali siumut isigissaagut.

- Qulakkiissavarput aasaru ataatsimeersuarnerup ajunngitsumik ingerlanissaa, Miki Jensen, partiimi ilaasortanut emailikkut ilaatigut oqartoq, Sermitsiaq.AG-p allaaseraa.

Mikael Petersenip kinguaassiutitigut innimiilliorsimanera arnanit Siumumut attuumassuteqartunit qulinit allaaserineqarpoq.

Arnat atiminnik siullermik saqqummiussiumanngikkaluarsinnarlutik kingorna saqqummerput, Mikael Petersenillu kinguaassiutitigut innimiilliorsimanera allakkani pasilliutigalugit.

Arnat ilaat, folketingimut ilaasortaq Aki-Matilda Høegh-Dam taakkununnga ilaalluni, saqqummertunut ilaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq