Siumut: Naalakkersuisut akissuteqarlik!
Inatsisartut suleriaasiat naapertorlugu paragraf 37-imik Naalakkersuisunut apeqquteqartuuvoq Siumut sinnerlugu Inatsisartuni ilaasortaq Kristian Jeremiassen.
- Inatsisartut siulittaasuat piaarnerpaamik, attavigissavara suliamut akuliuteqqullugu. Inatsisartuni ilaasortat, Naalakkersuisuninngaaniit taama sullinneqartussaannginneri peqqutaalluni, Krisitian Jeremiassen oqarpoq.
Kristian Jeremiassenip apeqqutigaa, Namminersorlutik Oqartussat suna tunuliaqutaralugu Air Icelandinilu timmisartuussisarneq pillugu isumaqatigiissusiorsimanersut. Aamma sooq innuttaasunut qanoq kinguneqarsinnaanissaa paasiniarneqaqqaarani, Air Icelandimut isumaqatigiissusiortoqarsimanersoq ilaatigut apeqqutigalugu.
Inatsisartuni suleriaaseq naapertorlugu, Kristian Jeremiassenip apeqquteqaataa Naalakkersuisunit ullut suliffiusut qulit ingerlaneranni akineqartussaavoq. Maannalu sapaatip akunnera qaangiutereerpoq, ullut suliffiusut qulit qaanngiunneranniit. Tamanna pillugu Kristian Jeremiassen, ima nassuiaavoq.
- Naalakkersuisut pingasoriarlugit tuaviusaarneqareerput, maannali suli tuttaqartoqarani. Kristian Jeremiassen oqarpoq.
Siumut sinnerlugu Inatsisartuni ilaasortaq Kim Kielsen, aamma Naalakkersuisunut Inatsisartut suliariaasiat naapertorlugu Air Iceland pillugu apeqquteqarpoq, parteeqatinilu Kristian Jeremiassenip apeqqutaata suli akissutissarsisimannginnera ima uparuarlugu.
- Suleriaaseq naapertorlugu, ullut suliffiusut qulit iluanni akineqareertussaavugut. Naalakkersuisut akisinnaanngikkunik oqarsimasinnaagaluarput, suliaq annertuallaarmat ullut piffissaliussat iluanni akisinnaannatik, Kim Kielsen oqarpoq.
