Namminersornerup juunip ulluisa 21-anni inuiattut ullorsiornerput eqqorlugu siorna eqqunneqarneratigut, ataatsimoornissaq, nammaqatigiinnissaq kikkullu tamarmik peqataatinneqarnissaat pingaaruteqartoq, aamma kalaallisut oqalussinnaanngitsunik mattussuinikkut pissanngitsoq, ilaatigut allapput.
Inuusuttut Ataqatigiit siulittaasuata Jane Petersenip aalajangiusimavaa nunatsinni maani oqaatsit atuartitsinermi atorneqartut tassaammata qallunaat oqaasii.
- Kalaallit Nunaata taamaalilluni oqaatsit avataaninngaanneersut piginnaasaqarfiginngilai, taavalu inuit aalajangersimasut demokratii atorlugu oqaaseqarsinnaanerminnik piiaaffigineqarnissaat iluaqutaanaviarani, oqarpoq.
Pisumi tassani Inuusuttut Ataqatigiinnit Demokraatit Atassullu isumaqatigineqarput. Taakkua aamma Inatsisartuni 2013 aallarfigalugu oqaluttarfimmi kalaallisuinnaq oqaluttoqartalernissaata inatsisitigut aalajangiivigineqarnissaa isumaqatiginngilaat.