Siumut Ilulissat: Pingaarnertut illoqarfiussaaq
-Ilulissat Avannaani illoqarfittut pingaarnertut inissisimassapput!
Taamatut paatsuugassaanngitsumik nalunaaruteqarpoq Edvard Geisler, Ilulissani Siumup siulittaasua.
Allattoq Louise M. Kleemann
Taassuma akissuteqarfigaa Uusaqqak Qujaukitsoq Qaanaameersoq, marlunngormat Ilulissani qineqqusaartoqarnerani, avannaani kommuninut piitsuunerusunut Ilulissat ”aatatut” inissisimanissaannik oqartoqarneranut akerliusoq.
- Avannaata kommunissaani Ilulissat illioqarfittut pingaarnertut inissisimassappat pissusissamisoorpoq, Edvard Geisler allappoq.
- Ilulissat tassaasariaqarput Avannaata kommunissaani illoqarfittut pingaarnertut inissisimatinneqartussat aamma borgmestereqarfiusussat, Siumup Ilulissani siulittaasua allappoq, erseqqissarlugulu Avannaa tamaat eqqarsaatigalugu sullissineq ingerlanneqassasoq.