Siumut: Atassut naalakkersuisoqatigiinnut qimmiaaraatinngorpoq
Atassut Inatsisartuni illuatungiliuttutut Siumumik suleqatigineqarsinnaanera ammaffigalugu Siumut Atassummut saaffiginnissimanerarpoq, Atassummiilli tamanna itigartinneqarpoq, arlaannut pituttorsimanatik illuatungiliuttuunissartik pingaartikkamikku.
- Siumut naalakkersuisoqatigiinnit pappiarakasimmut allapallapalaaginnakkakkut neqeroorfigineqaraluarpoq ataatsimititaliani sisamani siulittaasuutitaqarsinnaasoq. Tamanna Siumumit itigartinneqarpoq illuatungiliuttuunissami Siumup anguniagai tunngavigalugit, minnerunngitsumillu Inatsisartut Naalakkersuisullu Pillugit Inatsit malillugu Siumut sulerusummat, Siumup Inatsisartunut ilaasortaatitai sinnerlugit Doris Jakobsen allappoq.