Nalliuttorsiorneq Kulturikkut Illorsuarmi Katuami ataatsimeeqatigiinnermik pikkorissartitsinermillu imaqassaaq.
Siumup Inuusuttaasa ukiut tulliuttut 15-it anguniagassai aamma oqallisigineqassapput.
Siumup Inuusuttaasa sinerissami immikkoortortaqarfiiniit nalliuttorsiornermut peqataajartortoqassaaq, SIS-illu ukiut 30-t matuma siorna aallarnisarneqarnissaanik suliniuteqartut aamma tikissallutik.
SIS sooq pilersinneqarsimanersoq taakku ilaatigut oqaluttuarissavaat, SIS-ilu ukiuni 30-ni piunermini qanoq sunniuteqarsimanersoq nassuiaateqarfigissallugu.