Siumumit qinigassanngortitat sisamararterutaat arnaapput
Siumup qinigassanngortitai sisamaagaangata ataasiinnaq arnaavoq.
Qineqqusaarutaanni 50-it missaannik qupperneqartumi maluginiarneqarsinnaavoq, inatsisartuni maannakkut issiasut ilaat qinigassanngorteqqinnianngitsut tassaasut Lars-Emil Johansen, Ole Thorleifsen Per Rosing Petersenilu.
Qineqqusaarutitut qulequtarineqarpoq Kalaallit Nunaat Imminut napatittoq - Sapinngilagut.
Namminersornerup piviusunngortinnissaa Siumup ilungersorluni siuttuuffigaa, soorlu aamma Namminersorneruneq Siumup siuttuuffigalugu ingerlakkaa, oqarput.
Namminersornerup anguneratigut aamma ukiorpassuarni anguniarsimasavut piviusunngortussat makkuupput:
- Inuiattut akuerisaaneq, kalaallisut oqaatsitta pisortatigoortumik oqaatsitut naqissuserneqarnerat, nunap pisuussutaanut tamanut piginnittussaaneq, annertunerusumik oqartussaalerneq kiisalu namminiilivissinnaanissamut - taamaalillunilu nunatta naalagaaffinngorsinnaanissaanut periarfissaqartitaalerneq.
Siumullu qineqqusaarusiamini nunatsinni innuttaasut atugarisaasa pitsanngorsarnissaat pingaarnerpaatillugu Siumut ingerlaqqinniartoq neriorsuutigaa, meeqqat, ilaqutariit meerartallit, utoqqaat, innarluutillit, napparsimasut, siusinaartumillu pensionisiallit atugarisaat pitsaanerulersinniarlugit aaqqissuusseqqinnerit suliniutiginiarai, Siumumi siulittaasoq Hans Enoksen oqarpoq.