Siumumit Inuit Ataqatigiinnut nuuttoq
Ilinniartitaanermut ilagiinnullu naalakkersuisuusimasup taassuma Inuit Ataqatigiinnut ilaasortanngornerminut, IA-p siulittaasua Kuupik Kleist naalakkersuisut siulittaasussaattut piukkunnerpaagamiuk tunngavilersuutigaa.
Tamatuma saniatigut IA-p arnat angutillu politikikkut oqartussaaqataanerisa naligiinnerulernissaannut suliniuteqarluarnera aamma IA-p inuusuttaasa ersarissumik politikikkut suleqataanerat nuunnerminut patsisigai.
Marianne Jensen IA sinnerlugu Inatsisartunut qinigassanngortissanersoq nalunarallarpoq.
- Qinigassanngortissanerlunga suli aalajangiutinngilara, tamannami aamma partimut tunuliaqutigisannut oqaloqatiginnissutigeqqaassavara, Marianne Jensen Radioavisimut taama oqarpoq.