Siumumik aallartitseqataasoq ullumi tunuarpoq
Kikkulluunniit eqqoriarsinnaassavaat Jonathan Motzfeldtiusoq ullumi Siumup politikkikkut silulittaasup tulliatut tunuartoq.
- Isumaqarpunga siulersuisuunerni suliarisariaqakkakka naammassillugit, maanna inatsisartuni ilaasortaanera aallutilissavara, Jonathan Motzfeldt oqarpoq.
Jonathan Motzfeldt tunuarluni oqaaseqareermat nikuilluni ersaattaanneqarpoq qujassuteqartunillu oqalugiartussaaleqinani.
Siumup siulittaasua Naalakkersuisullu siulittaasuat, Hans Enoksen qujassuteqarluni Jonathan Motzdeldtip ilaatigut politikkikkut anorersuartumi ingerlaannarsinnaasarnera nersorpaa Siumukkormiunuinnaanngitsullu kisianni Kalaallit Nunaanni tamanut ippinnassuteqanngitsumik kattussisinnaasarnera eqqaallugu.
- Kalaallit Nunaata ataatamisut isigaatit taamatullu ilannit inuiaqatigiinnillu ataqqineqarlutit, Hans Enoksen oqarpoq.
