Siumumi siulittaasoq: Naalakkersuisup suliassani naammassisinnaanngilaa

Napparsimmavissuarmi pisut ajorsilluinnartut annersaanut naalakkersuisoq Kim Godtfredsenip pisooqataanerarpaa.

- Naalakkersuisup suliassani naammassisinnaanngilaa, pissutsillu ajorsilluinnartut sunnguamilluunniit iliuuseqarfiginngilai. Sana matussanngippat soraarsittariaqarpoq, Kim Godtfredsen tusagassiuutinut nalunaarpoq.

Ark’alo Abelsenilu nammineq atorfiani taarsersinnaakutsoorini oqaatigaa.

- Naalakkersuisut siulittaasuat Peqqissutsimut naalakkersuisussaaleqippat uanga atorfimmut piareersimavunga. Iseqarpunga, siuteqarlunga uummatimalu ilorpiaani misigissuseqarlunga. Naalaarsinnaavunga pissutsillu ilungersunartut paasilluarsinnaallugit. Isumaqarpunga aamma Inatsisartut Peqqissutsimut ataatsimiititaliaa peqqinnissaqarfimmi pisunut malinnaasussaatitaanerminik sumiginnaasoq, Kim Godtfredsen oqarpoq.

Kim Godtfredsenip naggataagut oqaatigaa, peqqinnissaqarfimmi ajornartorsiuteqarneq kommunehospitaliliornikkut, kommunerujussuarni napparsimmavissualiornikkut. qaangerniarneqarsinnaasoq.