Siumumi siulersuisuunerit aalajangiissapput
Naalakkersuisut siulittaasuat Hans Enoksen (S):-Taakku allakkat suli tigunngilakka, kisianni qularnanngilaq taakku allakkat ullaaq-manna apuutissagaat. Suliaq soorunami ilungersunarpoq, suliassaq. Aamma nalunngilara Jonathan Motzfeldt tikittussaasoq, taava tikinniariarpat inatsisartut gruppiat siulersuisuunerillu ataatsimiitissavakka, kisianni aamma naalakkersuisut ullaap tungaani ataatsimiigiarnissaat aaqqissuutilereerpaat.
Qanoq arlaanik takorluugaqarpit susoqarnissaanik?
Uani tassa naalakkersuisooqatitta piumasaat, ersarissorujussuaq oqaluuserissavarput, aammalu ingerlariaqqinnissarput ullup ingerlanerani paasinarsissaaq, kisianni oqareerpunga suliaq, suliassaq ilungersunartorujussuuvoq, taamaattumik qanoq iliuuseqarnissarput aalajangiiffigineqartussanngussaaq.
