Siulersuisut taarserneqarnissaat Binzerip ilimagaa

Tamanna Danmarkimi aviisimi Berlingske Tidendemi aqagu allaaserineqassaaq.

Aviisi aamma allappoq, Air Greenland aqagu ukiumoortumik ataatsimeersualerpat eqqarlinik ilagisaannarnillu pingaartitsineq ersersinneqaqqikkumaartoq.

Timmisartortitseqatigiiffiup pisortaata Michael Binzerip naatsorsuutigaa siulersuisut taarserneqassasut, taamaalilluni aningaasarsiornikkut soqutigisat pingaarnerutinnagit naalakkersuinikkut anguniakkat pingaartinneqarnerulerniassammata.

Aviisi Berlingske Tidende allappoq, siulersuisuni ilaasortat marluk naalakkersuisunit toqqakkat taarserneqarnissaat Michael Binzerip naatsorsuutigigaa, tassa Air Greenland kingullermik ataatsimeersuarmalli naalakkersuisoqatigiit allanngortinneqarnikuummata.

Air Greenland aqagu marluniit Katuami ataatsimeersuassaaq.