Sisorartartut sukasaatitorsimanerat perulluliuutaavoq
Ujakkaartartut nunarsuarmi pissartanngorniuttut qassiiusut akunnittarfiannut politiit februaarimi ornigupput.
Østrigimioq, ujakkaartartoq, Max Hauke politiinit iserfigineqarami talimigut imminut kapisimalluni sukasaatituleruttortoq politiit qaninngarpaat.
Tysklandimit, Italiamit, Sverigemit, Finlandimit, Estlandimit, Kroatiamit, Slovaniamit, Korea Kujallermit USA-miillu ujakkaartartut 21-t sukasaatitorsimasutut aamma pasineqartut naalagaaffiup eqqartuussisuunerata, Kai Gräberip pingasunngornermi oqaatigaa.
2011-mit 2019-imut ujakkaartartut katillugit hunnorujulikkuutaanik aalersortissimapput.
Ujakkaartartut ukiuunerani timersuutinit assigiinngitsunit tallimaneersuupput.
- Timersortartut ataasiakkaat paasineqarsimanertik suli ilisimanngilaat, Kai Gräber oqarpoq.
Timersortartut Mark Schmidimi nakorsamiittarsimapput, taannalu tyskit illoqarfiannit Erfurtimi nakorsiartarfiuteqarpoq. Naalagaaffiup eqqartuussisuunerata oqarnera naapertorlugu timersortartut tamarmik immikkut Schmidimut ukiumut 30.000 koruunit 90.000 koruunillu akornanni akiliuteqartarput.
