Sisorartartut malersuuttut

Maanna ima apisimatigilerpoq sisoraatinik oqilaniulluni unamminerit ingerlanneqarsinnaalersimallutik.

Aasianni sisorartartut peqatigiiffiat ASP arlaleriarluni unammisitsereerpoq maannalu NSP Nuummi aallartippoq.

Malersuunneq jagtstart Nuummi ingerlanneqarpoq arfininngorneq februaarip aqqaneq aappaat 13-iallu arfininngornermi 7,5 kilometerimut angusat najoqqutaralugit sapaammi 22,5 kilometerimut unamminermi aallartussat tulleriinnilerneqarlutik.

Angutini inersimasuni Poul Petersen katinneranni ajugaasuuvoq atorsimallugit 1.52,09 timer tulliulluni unammisartutoqaq Peter Lyberth atorsimallugit 1.54,24 timer. Pingajuuvoq Frederik Lundblad atorsimallugit 1.57,28 timer.

Arnat arfininngornermi 4,5 kilometeri aallarniutigaat sapaammi 15 kilometerimut malersuullutik.

Arnani inersimasuni Andrie Sørensen ajugaavoq katinneranni atorsimallugit 1.28,46 timer tulliulluni Natuk Lund Olsen atorsimallugit 1.30,22 timer. Pingajuuvoq Johanne Møller atorsimallugit 1.31,07 timer.

Angusat tamakkiisut takusinnaavatit linki ataaniittoq toorlugu.

Aasiaat

ASP Aasianni tallimassaa unammisitsivoq arfininngorneq februaarip aqqaneq aappaat angutit inersimasut utoqqasaallu 20 kilometerimut qangatoorlugu unammillutik.

Unammisartutoqaq Hans Rafaelsen Aasianni siulersortaajuarsinnarpoq ajugaanermini atorsimallugit 1.18,15 timer. Tulliuvoq Angutinnguaq Olsen atorsimallugit 1.22,02 timer. Pingajuuvoq Gaba Kleemann atorsimallugit 1.22,43 timer.

Arnat inersimasut 12,5 kilometerimut unammipput tassanilu ajugaavoq Alida C. Rafaelsen atorsimallugit 58,28 minutter tulliuvoq Pipaluk Kristensen atorsimallugit 1.04,15 timer kiisalu pingajuulluni Karen Mina Clasen atorsimallugit 1.08,11 timer.

Angusat tamakkiisut takusinnaavatit linki ataaniittoq toorlugu.