Sisorarlutik ooqattaasartartut napparsimarrapput

Europami pissartanngorniunnermi Estlandimi pisumi kalaallit peqataatitaat nuallutik napparsimapput. Taamaakkaluartoq Kristian Kristoffersen World Cup-imut piumasaqaataasut naammassivai.
marsip 16-at 2010 14:33

10 km-erimut arpalluni unamminermi World Cup-imut peqataanissamut piumasaqaataasut Kristian Kristoffersenip ukioq manna aappassaa anguai, tassa Daniel Böhmimit Tysklandimeersumit siulliusumit 4,35 minuttiinnarnik kigaannerugami.

-Kristian sisorarluni ooqattaasarnermi ingerlalluarpoq. Pallungalluni ooqattaasarnermini uniunngilaq nikorfallunilu ataatsimik uniorluni, Biathlonertartut kattuffiat nalunaarpoq.

Nappaalanerli angusarlutitsivoq, tassa Kristian Kristoffersen aqaguani unamminissamut anngutinngitsuutsiarpoq, ukiumili tullermi World Cuppeqarnissaanut anngulluni.

Aqqaluartaa Olsen Europami pissartanngorniunnermi Oterpaami Estlandimiittumi aamma unammeqataavoq. Taannali aamma napparsimavoq. Inuusuttuni arpaqataasartoq 7,5 km-erimut unammeqqaarnermi ingerlalluarpoq aappassaaneernermi pingajussaaneernermilu kingullinngungaatsiarluni.

Peqataasut taakku marluullutik nuannertik pissutigalugu takisuumut arpannissamut ilaanngitsoorput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq