Sisoraatinik ujakkaarluni unamminerit sakkortunersaat aallartippoq
Arctic Circle Race Sisimiuni ullumi aallartippoq. Sisoraatinik ujakkaarluni unammineq ulluni pingasuni ingerlanneqartussaq, 160 kilometerinillu isortartutigisoq 90-nit peqataaffigineqassaaq. Nunanit allanit peqataasut 30 peqataassallutik nalunaarsimapput.
Allattoq Louise M. Kleemann
Ujakkaarlutik unammisut Kangerluarsuk ungallermi, Sisimiut avannaaniittumi tammaarsimaffeqassapput, erngup nukinganik nukissiorfiliassap eqqaani, taanna maannakkut sanaartorlugu aallartinneqareerpoq.
Sisoraatinik unammisut erngup nukissiorfiliassamik sanaartortunut slovakiamiunut isikkamik arsarlutik aqagu arfininngorpat unammissapput. Kangerluarsummi ungallermi erngup nukissiorfiliornermut atatillugu Sloviniamiut sulluliorput.