Sisimiut: Timmisartoqarfiup qanitaani timmiaqarpallaarpoq
Sisimiut mittarfiannit sømilip ataatsip iluani qeqertani sineriammilu qassutinik piniutinillu uninngatitsisoqarnissaanik inerteqquteqarpoq aamma pilassimatilluni sinnikunik qimatsisoqaqqusaanngilaq, timmissat timmisartumut aporatarsinnaammata, ajutoortitsinermik kinguneqartumik, Sisimiut kommunea taama allappoq.
Qanittukkut tulukkat naajallu arlaqartut mittarfiup eqqaani arferup erlaviinik qimaannarneqarsimasunik imaani tissukarusaartunik neriniaalutsillugit apuisoqangajavippoq. Taamaattumik erlaviit ujaqqamik oqimaalutserlugit imaanut kiversartarnissaat inassutigineqarpoq.
Sisimiut Mittarfeqarfiani pisortaq Niels Grosen Radioavisenimut oqarpoq, timmisartoqarfiup qanitaani timmissat pisarnermit amerlanerit siumugassaasartut.
- Kisianni kommunemut saaffiginninnerput pinartuunngilaq, upalungaarsimanissaq-una pillugu taamaaliortugut, Niels Grosen erseqqissaavoq.
