ASSIT Sisimiuni ujakkaartoqaqqinnerani aallartilluartoqarpoq
Alanngorsuaq Racemi siulleq sapaatiummat ingerlanneqarpoq, qaqqaq illoqarfiup ungasinngitsuaniittoq kaajallallugu ujakkaarneq 21,7 kilometerisut isorartutigaaq.
Soorlu ACR-imi ujakkaarneq qangatut ingerlanneqarpoq, Arnatsiaq Rosing arnarni sukkanersaavoq akunneq ataaseq, 38,03 minutsit atoramigit, angutini Jørgen Leanderip akunneq ataaseq minutsillu 24,45-it atoramigit sukkanersaalluni.
SSP-Langrend Igloo Mountain, Sisimiut Tusaataat, Torrak aamma Pisiffik ujakkaarnermik aaqqissuisuupput, taakkulu aaqqissuusseqqaarnertik iluatsilluarmat naammagisimaarpaat 59-it peqataammata.
Arnani siulliit pingasut:
1. Arnatsiaq Rosing – 1.38,03
2. Alida Rafaelsen – 1.39,06
3. Agneta Geisler – 1.47,49
Angutini siulliit pingasut:
1. Jørgen Leander – 1.24,45
2. Salik Olsen – 1.26,54
3. Kristian Kreutzmann – 1.27,01