Sisimiuni Starkimut tillinniat iluatsitsinngillat, allamili iluatsitsipput
Tillinniat kikkuugaluarnersut sisamanngornerup tallimanngornerullu unnuaani Sisimiuni pisiniarfimmut Starkimut isersimapput.
Allattoq Elisa Isaksen
Sakkunik innaallagissamoortunik sakkoqarlutik tillinniat aningaasaasivik ammarniarsimagaluarpaat, iluatsitsinatilli. Tillinniat taamaallaat kavaajamik sisorrammik tillissimapput.
Tallimanngornerup arfininngornerullu unnuaani umiarsualivimmi Steak & Grillbarimi aningaasat 11.000 koruunit tillinneqarput.
politiit inunnik aningaasaateqaleriataartunut ilisimannittunik attaveqarusupput. Sisimiuni politiit oqarsuaataata normoraa 86 42 22, tassa 86 42 22.