Sisimiuni qarsutsisoqarpoq
Sisimiut umiarsualiviat ullaaq manna ulilluarnerani qarsutsiffiuvoq. Aatsaalli taama pisoqanngilaq.
- Ukiumut marlorianngikkutta pingasoriarluta umiarsualiviup qarsutsiffiunera naammattoortarparput ullaaq mannalu umiarsuit talittarfiata kutterillu talittarfiata akornanni nuungajuttaq immap iluaniippoq, piniarnermut nakkutilliisoq Hans Mølgaard KNR.gl-mut oqarpoq.
Qujanartumik umiarsualiviup imartaa mallinngilaq taamalu atortutigut ajoqusiisoqarani.
- Kisianni umiatsiaaqqamik qaqitsiniaraanni umiarsualiviup sinaaniit timmut nusuallalaaginnagassaagaluarpoq, Hans Mølgaard qungujulluni oqarpoq.
Naliginnaasumik Sisimiuni ulinnerani angallatit quleruaat umiarsualiviup killinganiit atsinnerusaraluarput.