Sisimiuni nukissiorfissaq naammassingajalerpoq
Erngup nukinganik nukissiorfissaq ukiup affaanik siusinaarluni naammassineqartussanngortoq, Sisimiut aviisianni Sivdlek'mi atuarneqarsinnaavoq.
Allattoq Bikki P. Kleist
Islandimiut suliffeqarfiutaata Ístakip, Kangerluaarsuk Ungallermimi erngup nukinganik nukissiuuteqarfiliaa naammassingajalerpoq. Taamaasilluni Kalaallit Nunaanni erngup nukinganik nukissiorfiit annersaasa aappaat, naatsorsuutigisaraluamit ukiup affaanik siusinaarluni innaallagissamik pilersuisinnaanngussalluni.
Tamatuma malitsiganik Nukissiorfiit 2010-mi uuliamut 3,25 millioner literinik imaluunniit 14 millioner koruuninik sipaaruteqassapput.
Erngup nukinganik nukissiorfissaq 500 millioner koruuneqarpoq.