Sisimiuni nerisassat issunngortillugit suliarisaleraat

Containerit immikkut suliat atorlugit nerisassat eqqaannakkat saanngutinngortinneqartassapput:

- Misileraasoqaleruttorpoq. Suliniutitsinnullu soqutiginnittorpassuaqartoq maluginiarparput, Qeqqata Kommuniani ingerlatsinermut pisortaq Martin Jungersen oqaluttuarpoq.

Pisiniarfiit 20-t, suliffeqarfiit, igaffissuit inoqutigiillu, nerisassat sinneruttut igiinnagassat sapaatip-akunneranut 3000 aamma 5000 kiilullu akornanniittut tunniuttarpaat.

Nerisassat qisunnik Sisimiuni eqqaavissuarmut igiinnakkanut akuliunneqartarput. Aserorterutitigullu kingorna taava ingerlatinneqartarput, containerimullu kingorna ikineqartarlutik. Eqqakkat taamaalinerani 30 gradimut kisssanneqartarput, eqqakkallu taamaalinikkut saanngutinngortikkiartuaarneqartarlutik.

Eqqaavissuarmut eqqakkat ikilisikkiartuaartinneqarnissaat suliniummi siunertaavoq.

Sisimiuni innuttaasut suliffeqarfiillu sapaatip-akunneranut eqqagaat illoqarfiup ikuallaavianut naleqqiullugit amerlapput, ikuallaavillu angummanneq ajulertarluni.

Pissutsilli maanna allangorput. Nerisakut ikiliartorput, qisukullu Eqqaavissuarmut eqqakkat ikiliartorlutik, Martin Jungersen oqarpoq.

Eqqakkat Eqqaavissuarmiittut taamaasillutik ukiumut 300 aamma 350 tonsit akornanni ikilisinnaapput, saniatigullu saanngutinik pilersitsisoqarsinnaalluni. Sisimiuni suliniut "Nerisassat issunngortittarparput" illoqarfinni allani aamma atorneqarsinnaassagunartoq, Martin Jungersenip Qeqqata Kommunianeersup oqaatigaa.