Sisimiuni imeq qalaattariaaruppoq
Sisimiuni imermik qalatitseqqaaqqusineq piffissami kingullermi atuuttoq atorunnaarsinneqartoq, Namminersorlutik Oqartussani uumasut nakorsaqarfiata ullaap tungaani nalunaarutigaa.
Allattoq Elisa Isaksen
Sisimiuni imeq pitsaassutsimi qaffasissumiileqqissimasoq, misissuinerit kingulliit takutippaat, taamaattumillu qalatitseqqaartarnissaq pisariaqarunnaarluni.
Sakkortuumik siallertarneratigut Sisimiuni tatsip imeqarfiusup bakteeriaqarnerulernera, erngup mingoqalersimaneranut uumasut nakorsaata naatsumik nassuiaatigaa.
Imeq mingoqarneruleraangami salikkuminaannerulersarpoq, taamaattumillu bakteerissat imermiittut saliissutinik piiaruminaannerusarlutik.
Maannali ajornartorsiutit qaangerneqalereersimalerput. Tassa Sisimiormiut kuuffimmit imersinnaanngorlutillu imeq qalateqqaarnagu atoqqissinnaanngorpaat.