Sisimiuni imeq imerneqarsinnaanngorpoq
Sisimiuni innuttaasut imeq imigassartik qalaqqaartariaaruppaat.
Sisimiuni innuttaasut imermik imigassaminnik qalatitseqqaartarnissamik Namminersornerullutik Oqartussani Uumasut nakorsaqarnerisigut Immikkoortortaqarfiup innersuussutaa atorunnaarsinneqarpoq.
Allattoq Louise M. Kleemann
Imeq, misissugassatut marlunngormat septembarip qulingiluaani tigusaq, misissorneqareermat Uumasut nakorsaqarnerisigut Immikkoortortaqarfimmit paasineqarpoq Sisimiut imeqarfianniit imeq imigassaq napparsimalernartunik bakteriartaarussimasoq.
Bakteria, Clostridium Perfringens, imermi salinneqanngitsumi nassaarineqartoq, avatangiisini bakteriaavoq nalinginnaasoq. Taanna nunami, imermi ilaannilu uumasut inuillu anaanni nassaassaasarpoq.