Sisimiuni imeq bakteeriaaruppoq
Sisimiormiunut nuannersumik nutaarsiassaateqarpugut.
Allattoq Elisa Isaksen
Sisimiuni imeq bakteeriaarummat qalaasseqqaartarneq atorunnaarpoq.
Uumasut nakorsaannut immikkoortortaqarfik taama nalunaarpoq.
Erngup kingullermik misissuiffigineqarnerata ersersippaa, imeq bakteeriaarussimasoq taamalu erngup qalaateqqaarneqarnissaa pisariaarulluni.
Taamaattorli Kuummiuni Tasiilap eqqaaniittumi aamma Eqalugaarsunni Qaqortup eqqaaniittumi erngup qalaateqqaartarnissaanik inassuteqaatit suli atuupput.
Taamaattumik Kuummiuni aamma Eqalugaarsunni innutaasut imermik imigassaminnik qalaasseqqaartarnissaat suli inassutaavoq.