Sisimiuni ataatsimeersuarneq aallartippoq
”Ilaqutariit Nukittuut”, taamatut qulequtserlugu Sisimiuni ullumimiit ataatsimeersuartoqalerpoq.
Allattoq Louise M. Kleemann
Ataatsimeersuarnermut siunertaavoq ilaqutariit meerallit pitsaasumik atugaqalernissaannut siunnersuutit tigussaasut pigilernissaat.
Ataatsimeersuarnermi peqataapput Inulerisut, atuarfeqarfinneersut, kiisalu peqqinnissaqarfinneersut.
Ataatsimeersuarnermi ullaap tungaa ualikkullu eqimattakkaarluni suleqatigiittoqartassaaq, taamaalillunilu suleqatigiiaat siunnersuutaat ullup naanerani saqqummiunneqartassallutik.
Tallimanngorpat ualikkut siunnersuutit pitsanngorsaataasussat pigilernissaat neriuutigineqarpoq.