Sisimiuni arsaattarfeeraqalissaaq
Sisimiuni timersornermik soqutigisalinnut nuannersumik nutaarsiassaateqarpugut.
Aningaasanik amerlasuunik tunissuteqartoqarneratigut, illoqarfimmi qangali kissaatigineqartoq arsaattarfeeraq, aningaasanik amerlasuunik tunissuteqartoqarneratigut piviusunngortinneqarsinnaanngorpoq.
Lions Club-ip 150.000 koruuninik tunissuteqarneratigut arsaattarfeeraq piviusunngortinneqassaaq, taannalu Sisimiuni Sanaartornermik Ilinniarfiup eqqaani pilersinneqassalluni.
Arsaattarfeeraq atuartunit timersoqatigiiffinnillu atorluarneqartartussatut eqqarsaataavoq.
Arsaattarfeeraq assammik arsartarfittut annertussuseqassaaq, illugiinnik ajuuffissaqassalluni aamma asfaltimik imaluunniit ivigaaraasanik qallerneqassalluni. Teknikkimik Ilinniarfiup suliniummik isumaginnittuusup, pilersaarutip septembarimi piareerneqarnissaa naatsorsuutigaa.
Sisimiuni Lions Club-ip ukiunik 25-nngortorsiorneranut atatillugu tapiissutinik agguaasoqarpoq. Sanaartornermut Ilinniarfiup pisortaata Poul V.B. Jensenip aningaasat tunissutigineqartut tiguai.
- Aningaasat tunissutigineqartut qujassutigeqaavut, taamaalillutami basketball-ernermi ajuuffiit marluk pisiarinissaannut akissaqalerpugut, pisortaq nittartakkamut Sermitsiaq.ag-mut taama oqarpoq.
