Sisimiuni arnaq ujaarineqartoq toqungasoq nassaarineqartoq
Sisimiuni politiit arnap toqungasup timaanik illoqarfiup ilaani nassaartoqarsimaneranik ullaaq nalunaarfineqarput.
Toqungasup timaa ilaqutaasunit 69-inik ukiulittut Pauline Kleistitut kinaassusersineqarpoq.
Pinerluttoqarsimasinnaaneralu paasiniarlugu toqusunik misissuisartunit aqagu ataasinngornermi misissorneqassaaq.
Kalaallit Nunaanni politiit taama tusagassiuutinut nalunaaruteqarput.
AAMMA ATUARUK Politiit Sisimiuni arnamik ujaasisut
Pauline Kleist Deichmannip Aqqutaani pisuttoq januaarip ulluisa 19-ianni kingullermik takuneqarpoq, kingornalu Sisimiut illoqarfittaani, nunataani immamilu annertuumik ujaarineqarluni. Inuittaaq quiminni, pilivimminni, naqqup-ataani, umiatsianilu allanilu pigisaminni misissuinissaannik kaammattorneqarput.
AAMMA ATUARUK Politiit: Arnaq tammaaneqartoq naqqup-ataani quinilu ujarsiuk
Pauline Kleistili apummik qalleqqasimavoq.
- Apummik qalleqqasimanera ujaarinermi nassaarineqannginnera peqqutaaqataavoq, Nuummi politiit pigaartuisa pisortaat Søren Bendtsen KNR-imut oqarpoq.
Arnap suna toqqutigisimasinnaaneraa pinerluttoqarsimasinnaaneralu paasiniarlugu toqusunik misissuisartunit aqagu ataasinngornermi misissorneqassaaq.
Misissuinerup inernera aallaavigalugu suliami qanoq pisoqaqqissanersoq aalajangerneqassaaq.
AAMMA ATUARUK Politiit Sisimiuni ujaasinertik unitsikkaat
