Sisimiuni apummik ilulisilersukkat aserorterneqarsimagaluartut naammassineqarput
Apummik ilulisilersukkat aqanneq marluk peqataasunit 70-init ilusilersorneqarput. Apummik ilusilersuineq Sisimiuni Nalunnguarfimmi tallimangormat aallartinneqarpoq.
Ajoraluartumilli unnuap ingerlanerani ilusilersukkat qulingiluat aserorterneqarsimapput, aaqqissuisulli nakkaannaratik ataatsimeereerlutik isumaqatigiipput, ilusilersukkat aserorterneqarsimagaluartut suliariniarlugit.
Apummik ilusilersuit ilaat Knud Rasmussenip Højskolianeersut suliaat nunguusavillugu aserorterneqarsimavoq. Taamaakkaluartoq nutaamik aallaqqaataannit Knud Rasmussenip Højskolianeersut apummik ilusilersuipput ajugaallutillu. Ilusilersugaanni sananeqarsimapput, Aaveq, qilalukkat marluk tuugaallit, piniartoq pisaminik nammalluni sikukkut pisuttoq, arsarnernik avatangiisilerlugu. Ajugaasut Sisimiut kommuneani borgmesterimit Hermann Berthelsenimit ualimut sisamanut suaarutigineqarput.
