Sisimiuni allakajaamik tusarnaartitsisoqalerpoq
Sisimiuni Kulturikkut illorsuaq Taseralik arfininngornermi oktobarip 12-iani allakajaatut taaneqarsinnaasumik neqeroorutissaqarpoq, tassalu mongoliamiup torlorsorluni tusarnaartitsinissaat. Torlorsortartoq Hugjiltu, Mongoliap qiterpasissuaneersuuvoq torlorsoriaatsiminillu immikkuullarissumik tusarnaartitsissalluni.
Allattoq Peter Troelsen, Simon Uldum
Torlorsortartoq mongoliamiu sapaatit akunnerat ilivitsoq Sisimiuniissaaq, ilaatigut nipilersornermik ilinniarfimmi Serravimmi pikkorisaassalluni. Tamanna pingasunngornermi oktobarip qulingiluaani pissaaq. Sisimiunut tikeraarneranut atatillugu Minngortunnguup Atuarfiani atuartut angajulliit torlorsoriaatsimik immikkuullarilluinnartumik misileraanissaminnut aamma periarfissinneqassapput.
Hugjiltu Sisimiuneereeruni Nuummut Tasiilamillu ingerlaqqissaaq. Hugjiltu Nuummi tusarnaartitsisinnaasimanngilaq, Tasiilamulli tikeraarnermini tasiilarmiunut tusarnaartitsiumaarpoq.
Hugjiltu appisimaartoq uani takusinnaavat: