Sisimiuneersut aappariit nersornaaserneqartut

Anette aamma Bo Lings, Sisimiuneersut, Grønlandsbankenip Inuussutissarsiornermut Aningaasaateqarfiata aallarnisaasumut nersornaasiuttagaanik tunineqarput.

Inuussutissarsiornermut Aningaasaateqarfiup siulersuisuisa siulittaasuata Kristian Lennertip nersornaasiiniarnertik ima tunngavilersorpaa:

- Inuussutissarsiornermut Aningaasaateqarfiup Aallarniisumut nersornaataanik 2019-imik tigusisussatut Anette aamma Bo Lingsip toqqarneqarnerannut tunngavilersuutaavoq, Sisimiuni aallaaveqarlutik, ukiuni arlalinni ilisimasaqarluarlutik, pimoorussillutik, ilungersorlutillu Sisi-miuni eqqaanilu inuussutissarsiornikkut, pingaartumik takornarianut neqeroorutitigut pitsanngorsaallutillu ineriartortitseqqissimammata, Grønlandsbankenip Inuussutissarsiornermut Aningaasaateqarfiata siulittaasua Kristian Lennert oqarpoq.

Inuussutissarsiornermut Aningaasaateqarfiup ukiuni arlalinni inunnut imaluunniit suliffeqarfinnut aallarniisumut, atuunnermini immikkut piumassuseqartumut, pimoorussisumut kiisalu maluginiagassamik suliaqartumut nersornaatigisartakkani tunniuttarpaa, nersornaallu 25.000 koruuninik aningaasartaqarluni.
 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat